Lust é unha peza dirixida por La Macana para a plataforma Pottporus –unha plataforma adicada dende 2007 á cultura do hip-hop, producindo obra, festivais e encontros internacionais, baixo a dirección de Zekai Fenerci en Alemaña–.

Cun grupo mesturado de bailaríns de danza urbana e de danza contemporánea atravesamos o proceso de creación de Lust. Comezamos cunha palabra, LUST (desexo), un verbo, WISH (desexar), e unha frase OUR LUST IS WISH (o noso desexo é desexar). Unha peza que é o que queramos que sexa. Querer algo é o unico que nos move, o que nos mantén en movemento.